16 наурызда Әлем әдебиеті залында ҚР Ұлттық кітапханасындағы Пәкістан бұрышында Пәкістан Ислам Республикасының Қазақстан Республикасындағы Бас консулдығының ҚР Ұлттық кітапханасы қорына кітаптарды сыйға тарту рәсімі өтті.

Іс-шараға Пәкістан Ислам Республикасының Қазақстан Республикасындағы Елшісі Саджад Ахмед Сихар, Сауда және инвестиция жөніндегі кеңесші Мухаммад Фарук, Елшіліктің коммерциялық бөлімінің сауданы дамыту жөніндегі маманы Кәрібаев Манас Жұмағазыұлы қатысты. Қазақстан Республикасы Ұлттық кітапханасының директоры Б.Қ.Оспанова құттықтау сөз сөйледі. Ол мұндай іс-шаралардың екі ел арасындағы достық қарым-қатынасты нығайтуда, өзара түсіністікке, өзара іс-қимыл мен мәдениеттердің жақындасуына ықпал етуде ерекше рөл атқаратынын атап өтті. Ол, сондай-ақ бұл кітаптар Алматыдағы жоғары оқу орындарында оқитын пәкістандық студенттердің сұранысына ие болатынын атап өтті. Саджад Ахмед Сихар өз сөзінде Қазақстан Республикасы Ұлттық кітапханасының басшылығына көп жылғы мәдени-гуманитарлық ынтымақтастық үшін алғысын білдірді. Сыйлыққа берілген кітаптардың ішінде: тарих, мәдениет және көркем шығармалар бойынша ағылшын, қазақ және урду тілдеріндегі әдебиеттер бар.

Салтанатты шараға С.Д.Асфендияров атындағы Қазақ ұлттық медицина университетінің Пәкістаннан келген студенттері, ҚазҰУ шығыстану факультетінің түрік тілі мен тарихы пәнінің оқытушысы. әл-Фараби Нұрат Ілияс және университет студенттері, сондай-ақ Абылай хан атындағы Қазақ халықаралық қатынастар және әлем тілдері университетінің студенттері, оқырмандар мен Қазақстан Республикасы Ұлттық кітапханасының қызметкерлері қатысты. Іс-шара қонақтары жаңа әдебиеттерді көруге шақырылды.