Нур-Мүбарак университетінде Ислам тарихы, өнері мен мәдениетін зерттеу орталығының (ИРСИКА) ұйымдастыруымен өтіп жатқан «Қазақстан қолжазба қорлары: сақтау және зерттеу» атты халықаралық семинар аясында 19 мамырда ҚР Ұлттық кітапханасына Түркия қолжазба шығармалар мекемесінің Кітап емханасы және мұрағат бөлімінің жетекшісі, РһD докторы Байдар Нил, АҚШ-тың Индиана университетінің Таяу Шығыс және ТМД елдері бойынша кітапхана кураторы, доктор, профессор Хабибуллаев Акрам, Өзбекстан Республикасы Беруни атындағы Ғылым Академиясының Шығыстану институтының жетекші ғылыми қызметкері, РһD докторлығына кандидат Ходжаева Башорат арнайы келді.

Кездесу барысында ҚР Ұлттық кітапханасының директоры Бақытжамал Оспанова кітапхананың Сирек кездесетін кітаптар мен қолжазбалар қызметі және Концервация, қалпына келтіру және түптеу қызметінің жұмысымен таныстырды, сонымен қатар кітапхана қызметі бойынша бірлескен жобаларды жүзеге асыру бойынша пікір алмасты.