2024 жылғы 22 мамырда Қазақстан Республикасының Ұлттық кітапханасына Чуваш Республикасының (Ресей) Чуваш Жазушылар одағының хатшысы Дмитрева Лариса Семеновна мен чуваш ақын-жазушылары, Қазақстандағы Чуваш мәдени орталығының төрағасы Храмов Никита Данилович келді.

Қонақтар Ұлттық кітапхананың қызметімен, оқу залдарымен, шетелдік кітап бұрыштарымен, тыныс-тіршілігімен танысты.

Сонымен қатар, Чуваш Жазушылар одағының хатшысы Дмитрева Л.С. Чуваш Жазушылар одағының төрағасы Юхма Михайл Николаевичтің атынан мемлекет және қоғам қайраткері, мәдениеттанушы Мұрат Мұхтарұлы Әуезовті марапаттаған «Чуваш Республикасының Жазушылар одағына 100 жыл» мерейтойлық медалін қызы Зифа Әуезоваға табыстады.