2024 жылғы 19 маусымда  О.Жандосов атындағы оқу залында «Қазақстан кітаптары» қызметінің мамандары ҚР  Ұлттық кітапханасының қызметкерлеріне, студенттер мен оқырмандарға жаңа түскен кітаптарға  библиографиялық шолу жүргізді.

Шолудың мақсаты -  «Қазақстан кітаптары» қызметінің қорына жарты жылда түскен білімнің түрлі салалары бойынша кітаптар мен көркем әдебиеттерді таныстыру.

Іс-шарада  сөз сөйлеп, шолу жасаған қызмет жетекшісі Ж.А.Барманашева, топ жетекші К.Н. Қасымбекова және кітапханашылар А.Н. Қашағанова, Г.Т. Алакушукова, Г.М. Мамытова, А.Сырғабаева,  Е.О. Ергеш, Ж.А.Гулнара А.Толықбаева.

Іс-шара аясында библиографиялық шолуда ұсынылған ақпарат бойынша интеллектуалды ойын өткізілді. Белсенді қатысушыларға сыйлықтар табысталды.

Шолуға қатысқан әл-Фараби атындағы ҚазҰУ-нің 2-ші және 3-ші курс студенттері жаңа түскен кітаптар жайлы тың ақпараттар алды.

Іс-шара соңында Ө. Сұлтанғазин атындағы ғалымдар залының оқырманы, PhD доктор Жанәбіл Жігер "Қазақстан кітаптары" қызметінің қызметкерлері мен ҚР Ұлттық кітапханасының мамандарына алғысын білдірді.