2024 жылғы 4-8 қараша аралығында ҚР Ұлттық кітапханасының  Каталогизатор мектебінде Маңғыстау және Атырау облыстарының  көпшілік кітапхана мамандары іс-тәжірибелік оқудан өтті. 

Тыңдаушылар халықаралық және ұлттық құжаттармен, библиографиялық жазба құру ережелерімен, каталогтаудың негізгі қағидаларымен, ҚР Ұлттық кітапханасының Ғылыми-әдістемелік және Қорды толықтыру қызметтерінің жұмыстарымен танысты.

Дәрістер және тәжірибелік сабақтар отандық Web-RABIS кітапханалық-ақпараттық жүйесінің 5 модулі бойынша жүргізілді. Қатысушылар сабақ барысында іс-тәжірибе алмасып, кітапханада өткен іс-шараларға белсене қатысты.

Тыңдаушыларға ҚР Ұлттық кітапханасы бойынша және «Alatau Creative Hub» орталығына таныстыру экскурсиялары ұйымдастырылды.

Курс соңында тыңдаушыларға сертификаттар табысталды.