15 қараша, сағат 15.00-де  ҚР Ұлттық кітапханасы Әдебиет академиясы залының қызметі аясында «Күнделік» әдеби-публицистикалық клубының отырысы өтті.

Клубтың мақсаты – әдеби шығармашылыққа бағытталған адамдарды бір арнаға жұмылдыру. Жас журналистердің, жазушылардың, блогерлердің күнделік, мәтін, мақалалар, әңгімелер, очерктер мен шығармалар жазуға деген қызығушылықтарын қалыптастыру. Қазақ әдебиеті мен қазақстандық жазушылардың шығармашылығы туралы насихаттау және әңгімелеу.

Клубтың міндеттері – жастар арасында әдеби таланттарды анықтауға ықпал ету.

Модератор «Қазақстан кітаптары» қызметінің жас маманы Абайхан Жанболат болды.

Іс-шарада сөз сөйлегендер: белгілі қазақстандық ақын Иван Бекетов пен  Ғалия Нұршайықова әр адамның өмірінде күнделік жүргізудің  және  мәтіндер жазудың маңыздылығы туралы сөз сөйледі. Сондай-ақ, талантты қазақстандық жас жазушылар мен ақындардың шығармашылығы туралы мәселелер талқыланды.

Әдеби-публицистикалық клуб отырысына әл-Фараби атындағы ҚазҰУ оқытушылары, жас журналистер, блогерлер және кітапхана оқырмандары қатысты.