2024 жылғы 2 қазан, сағат 15.00-де Үндістан кітап бұрышы жұмысының форматында Қазақстан Республикасы Ұлттық кітапханасының Н.Дәулетова атындағы залында  Алматы қаласындағы Үндістан Елшігінің Өкілдігі мен Әл-Фараби атындағы ҚазҰУ Шығыстану факультетінің қолдауымен үнділік саясат және қоғам қайраткері Махатма Гандидің 155 жылдығына арналған әдеби-музыкалық кеш өтеді.

Іс-шарада Әл-Фараби атындағы ҚазҰУ Индология бөлімі Таяу Шығыс және Оңтүстік Азия кафедрасының ғалымдары мен оқытушылары, Махатма Ганди атындағы дарынды балаларға арналған №92 мамандандырылған мектеп-лицейінің директоры Шажабаева К.С. баяндама жасайды.

Іс-шара аясында ҚР Ұлттық кітапханасы қорынан Махатма Гандидің 155  жылдығына арналған «Менің өмірім - менің жолдауым» атты безендірілген кітап көрмесі ұйымдастырылады. Көрмеде қазақ, орыс, ағылшын, хинди тілдеріндегі материалдар ұсынылған.

Әдеби-музыкалық кешке қатысушылар: Алматы қаласындағы Үндістан Елшілігі Өкілдігінің консулы Котхаваде Свапнил Шарад мырза; Үндістан Республикасы Ұлттық архиві директорының орынбасары, доктор Санджай Гарг мырза; Әл-Фараби атындағы ҚазҰУ Шығыстану факультетінің деканы Ем Наталья Борисовна; Әл-Фараби атындағы ҚазҰУ Индология бөлімі Таяу Шығыс және Оңтүстік Азия кафедрасының оқытушылары мен студенттері; Махатма Ганди атындағы дарынды балаларға арналған №92 мамандандырылған мектеп-лицейінің оқушылары, кітапхана қонақтары мен оқырмандары.