2024 жылғы 12 қараша, сағат 15.00-де ҚР Ұлттық кітапханасының Үлкен  залында ҚР Мәдениет саласының үздігі, «Шалқар» радиосының журналисі  Гүлмира Нәлібайдың  «Өнерім - өмірім, Радиом - серігім» атты кітабының тұсаукесер рәсімі өтеді.

Бұл кітапқа  «Шалқар» радиосынан  Г. Нәлібай жүргізген «Алтын тамыр», «Дауысыңды сағындым»,  «Ән жұмбақ» хабарларының мәтіндік нұсқасы енгізілген. «Алтын тамыр» атауы бойынша  қазақ этнографиясын, ұлттың болмыс-бітімін, салт-дәстүрін, әдет-ғұрпын жан-жақты түсіндіреді. «Дауысыңды сағындым» тақырыбында өмірден өтіп кеткен сан түрлі талант иелерінің өмірі мен өнері, ұлтқа сіңірген еңбектері әңгіме арқауына айналған. «Ән жұмбақ» атауы  қазақтың әнші, композиторларының өнерін насихаттауға  негізделген. 

Кітап – жалпы оқырман қауымға, өнер зерттеушілеріне, жоғары оқу орындарының студенттеріне арналған.  

Кешке БАҚ өкілдерімен қатар «Дос-Мұқасан» ансамбілінің негізін қалаушы, әнші Мұрат Құсайынов, Айбек Мұхамедәлі, Әлия Әбікен  және т.б өнер жұлдыздары қатысады.