5 қазанда ҚР Ұлттық кітапханасының қорына Дүниежүзі қазақтары қауымдастығының мүшесі және «Көлн Қазақ мәдени орталығының» құрметті төрағасы Четин Абдуррахман Жәлелұлы өзінің «Өмір жолымдағы соңғы көш» атты жаңа кітабын сыйға тартты.

Кітапта автор 1950-ші жылдардың басында Тибет асып, Анадолыға ауған қандастардың көші, сол көште Түркия еліне жеткенше көрген тауқыметтері және жат жұртта жүрсе де қандастарымыздың тілі мен діліне берік болғандары жайлы әсерлі баяндайды.