21 сәуірде ҚР Ұлттық кітапханасында Дүниежүзілік кітап және авторлық құқық күніне орай жыл сайынғы «КІТАП шоу - 2023» фестивалі аясында танымал француз фотографы Жан-Марк Годестің «Жанды кітаптар» (Livres en vie) тақырыбындағы фотокөрмесі мен шеберлік сағаты өтті.

Жан-Марк Годес – кітаптарды фотосуреттер арқылы насихаттаған француз фотографы. Оның шығармашылық жұмыстары – өмір мен кітап арасындағы қарым-қатынастың поэтикалық көрінісі іспетті.

«Жанды кітаптар» - «Livres en vie» арт-жобасының негізгі мақсаты - кітап оқуға және әдеби шығармашылықпен айналысуға деген құштарлықты арттыру болып табылады.

Шараны ҚР Ұлттық кітапханасы директоры Б.К. Оспанова ашып, сөз кезегін директордың орынбасары А.Х. Юсуповаға берді.

Сонымен қатар, Алматы Француз Альянсы директорының міндетін атқарушы Вивьен Фуке құттықтау сөз сөйледі.

Фотограф Жан-Марк Годес келушілерді фотокөрмемен таныстырып, оларға шеберлік сағатын өткізді және өз тәжірибесімен бөлісті.
Шараға Алматы Француз Альянсының мүшелері, Алматыдағы жоғары оқу орындарының студенттері мен оқытушылары, мектеп ұстаздары мен оқушылары,оқырмандар, кітапханашылар, БАҚ өкілдері және т.б. қатысты.

Шара соңында кітапхана директоры Б.К. Оспанова Вивьен Фуке мен Жан-Марк Годеске іс-шараны бірлесе ұйымдастыруға атсалысқандары үшін алғысын білдірді.