+7 (727) 267-28-83

350685162 3565150717055312 7060021199842610755 n

2 маусымда ҚР Ұлттық кітапханасының Үлкен залында жас қаламгер Жәмиля Бахтиярқызының «Қарлығаш (Махаббат ескерткіші)» атты кітабының тұсаукесер рәсімі өтті.

Шараны ҚР Ұлттық кітапханасы Көрмелер және мәдени бағдарламалар қызметінің кітапханашысы Мұхаммед-Қанапия Шарханұлы ашып, сөз кезегін модератор – журналист Әзімбек Қойлыбайға берді.

Тұсаукесерде Қазақстанның Еңбек Ері, жазушы Дулат Исабеков, жазушы, этнограф Зейнеп Ахметова, ҚР Еңбек Ері, «Алтын жұлдыз» иегері, ұстаз (Жəмиляның ұстазы) Аягүл Миразова, ҚР Жазушылар одағының мүшесі Марат Тоқашбаев, Қазақстан халқы Ассамблеясының мүшесі, қоғам қайраткері, тіл жанашыры Асылы Осман, жазушы Марал Ысқақбай, этнограф Бағдат Мүптекеқызы «Қарлығаш (Махаббат ескерткіші)» атты туындының лентасын қиып, құттықтау сөзбен жылы лебіздерін білдірді.

Сондай-ақ, Жәмиля Бахтиярқызының шығармашылығына арналған бейнероликтер мен поэтикалық композициялар көрсетілді.

Автор өз шығармашылығынан белгілі күйші-композиторлар Ғаламат пен Нұрәлі Бейсеқожаның аудио-визуалды сүйемелдеуімен «Ұмытпа», «Аналар арманы», «Жаратушы», «Бақыт құсы» және «Ұлы дала толғауы» өлеңдерін оқып, келген қонақтарға алғысын білдірді.

Мерекелік шарада күйші Мұхтар Əділ, Нұрлан Өнербаевтың үлкен ұлы Мақсат Өнербаев өнер көрсетті.

Шараға белгілі жазушылар мен ақындар, әдебиеттанушылар, оқырмандар, оқытушылар мен студенттер және БАҚ өкілдері қатысты.

350534101 6506664409355471 7043635176033775620 n   350687186 287613103607557 4326085640928203328 n   351120371 987961415541350 969383528508055584 n
350664422 819869472909361 2772025715748820820 n   350986954 1269793383965581 6928847663043240235 n