2024 жылғы 9 қыркүйекте ҚР Ұлттық кітапханасының Қытай мәдениеті мен әдебиеті залында Алматы қаласындағы Қытай Халық Республикасы Бас консулдығынан Қытай кітап бұрышына кітаптарды сыйға тарту рәсімі өтті.

Іс-шара Алматы қаласы күнін мерекелеу аясында және Қытай кітап бұрышының құрылғанына 20 жыл толуына орай өткізілді.

2024 жылғы 9 қыркүйекте  ҚР Ұлттық кітапханасының Қытай мәдениеті мен әдебиеті залында Алматы қаласындағы Қытай Халық Республикасы Бас консулдығынан Қытай кітап бұрышына кітаптарды сыйға тарту рәсімі өтті.

Іс-шара Алматы қаласы күнін мерекелеу аясында және Қытай кітап бұрышының құрылғанына 20 жыл толуына орай өткізілді.

Іс-шараны ҚР Ұлттық кітапханасы директорының ақпараттық технологиялар және инновациялар жөніндегі орынбасары Искалиева Нүрия Аманғалиқызы ашты.

Іс-шарада Алматы қаласындағы Қытай Халық Республикасының Бас консулы Цзян Вэй ханым құттықтау сөзін сөйлеп, берілген кітаптар жинағы бірегей екеніне, кітаптар кітапхана оқырмандарының тілектерін ескере отырып таңдалғанына тоқталып, ҚР Ұлттық кітапханасының басшылығына көп жылғы ынтымақтастық үшін алғысын білдірді.

ҚР Ұлттық кітапханасына қытай тілінен қазақ және орыс тілдеріне аударылған Қытайдың тарихы, дәстүрлері мен мәдениеті, сондай-ақ көркем және ғылыми-танымдық әдебиеттер бойынша 43 аталымнан тұратын кітаптардың 105 данасы, сонымен қатар Қытай кітап бұрышын жаңартуға арналған заманауи техникалық жабдықтар сыйға тартылды.

Сыйға тартылған басылымдардың ішінде бірқатар кітаптарды атап өтуге болады. Олар: «Мифы и легенды Китая», Мудрость «Лунь Юя», «Китайские притчи», «История китайской музыкальной драмы», сондай-ақ «Очерки китайской культуры», «Изучаем китайскую калиграфию», «15 лекций об археологии Великого Шелкового пути», «Китайские традиции и обычаи», «Рассказы о географии Китая» және т.б.

Әлем әдебиеті қызметінің кітапханашысы Қадай Қамия келген қонақтар үшін жаңа түскен кітаптарға библиографиялық шолу жасады, ал қызмет жетекшісі Тұяқова С.Т. Қытай кітап бұрышының 20 жылда атқарған жұмыстарына тоқталып, бірлескен іс-шараларды атап өтті.

Салтанатты рәсімге Халықаралық қазақ-қытай тіл колледжінің оқытушылары мен студенттері қатысты. Шара соңында студенттер кітапханаға тіркелді. Жас маман Алқамбай Аяулым кітапхана бойынша танымдық экскурсия жүргізіп, студенттер кітапхана оқырманы атанды.