2024 жылғы 10 қыркүйекте Қазақстан Республикасының Ұлттық кітапханасында ақын, жазушы, журналист, Қазақстанның еңбек сіңірген қайраткері, Қазақстан Жазушылар одағының мүшесі, Халықаралық «Алаш» әдеби сыйлығының лауреаты, халықаралық және республикалық әдеби байқаудың жүлдегері, «Парасат» орденінің иегері, ҚР Президентінің жанындағы Ұлттық құрылтай мүшесі Сәуле Мағазбекқызы Досжанның өмірі мен шығармашылығына арналған «Сәуле Досжан» атты библиографиялық көрсеткіштің тұсаукесері өтті.

Шараның мақсаты – жазушы Сәуле Досжанның бай әдеби және өзекті публицистикалық шығармашылығымен таныстыру, сондай-ақ қазіргі қазақ әдебиетін насихаттау.

Шара аясында ҚР Ұлттық кітапханасының қорынан ақынның өмірі мен шығармашылығына арналған «Сәулелі ғұмыр» атты безендірілген кітап көрмесі ұйымдастырылды.

Шараны ҚР Ұлттық кітапханасының директоры, Қазақстандық Кітапханалық Одақтың төрағасы Оспанова Бақытжамал Қайырбекқызы құттықтау сөзбен ашты.

Іс-шараны айтыскер ақын, «Қазақ» және «Шалқар» радиоларының бас редакторы, Президент сыйлығының иегері Бақыт Жағыппар жүргізді.

Іс-шара барысында Ұлттық библиография қызметінің библиографы Мубина Оқап библиографиялық көрсеткішті таныстырды.

Шарада жазушы, Қазақстанның еңбек сіңірген қайраткері, филология ғылымдарының докторы , М.О. Әуезов атындағы Әдебиет және өнер институтының бас ғылыми қызметкері Нұрдәулет Ақыш; белгілі ғалым, әдебиеттанушы, ф.ғ.д., профессор Дандай Ысқақұлы; көрнекті ақын, Қазақ телевизиясының ардагері, Халықаралық ЮНЕСКО сыйлығының иегері Жұмаш Кенебай-Көкбөрі; М. Әуезов атындағы Әдебиет және өнер институтының аға ғылыми қызметкері, филология ғылымдарының докторы Гүлжахан Орда; жазушы, ақын, аудармашы, Қазақстан Жазушылар одағының мүшесі Саят Қамшыгер; ABAI TB бас продюсері Жаңыл Асылбекова сөз сөйледі. Сондай-ақ, Сүйінбай атындағы Алматы облыстық филармониясының дәстүрлі әншісі Ардақ Амеркулова халық әндерін орындады.

Тұсаукесер рәсіміне қазақтың белгілі ақын-жазушылары, әдебиеттанушылар, қоғам қайраткерлері, Алматы қаласының зиялы қауым өкілдері, С. Нұрмағамбетов атындағы Құрлық әскерлері әскери институтының курсанттары, Алматы қаласы Спорт басқармасының «Спорттағы дарынды балаларға арналған мамандандырылған мектеп-интернат-колледжі» МКҚК студенттері, кітапханашылар, оқырмандар және БАҚ өкілдері қатысты.