2024 жылғы 9-13 қыркүйек аралығында ҚР Ұлттық кітапханасының Каталогизатор мектебінде Атырау облысы кітапханалары бойынша 12 маман және Алматы облысы, Қарасай ауданының 1 мектеп кітапханасы маманы іс-тәжірибелік оқудан өтті.
Тыңдаушылар халықаралық және ұлттық құжаттармен, библиографиялық жазба құру ережелерімен, каталогтаудың негізгі қағидаларымен, сонымен қатар Ұлттық кітапхананың ғылыми-әдістемелік және кітапхана қорын толықтыру қызметінің жұмыстарымен танысты. Дәрістер және тәжірибелік сабақтар отандық Web-RABIS кітапханалық-ақпараттық жүйесінің 5 модулі бойынша жүргізілді.
Ақын, жазушы, журналист, Қазақстанның еңбек сіңірген қайраткері Сәуле Досжанға арналған библиографиялық көрсеткіштің тұсаукесер рәсімінде Атырау облыстық кітапханалар қорына ҚР Ұлттық кітапханасында шыққан басылымдар мен «Сәуле Досжан» атты библиографиялық көрсеткіш сыйға тартылды
Тыңдаушыларға Ұлттық кітапхана бойынша және «Alatau Creative Hub» мәдени-демалыс орталығына таныстыру экскурсиялары ұйымдастырылды.
Курс соңында тыңдаушыларға сертификаттар табысталды.
 |
 |
 |
 |
|||
 |
 |
 |
 |