2024 жылғы 9 сәуірде ҚР Ұлттық кітапханасының қорына ресейлік тарихшы, тарих ғылымдарының докторы, профессор Виктор Иванович Козодой «Князь сибирских кыргызов Эренек» және қазақ тіліне аударылған «Әлихан Бөкейханов: дәуір дарабозы» атты кітаптарын сыйға тартты.

Автордың «Әлихан Бөкейханов: дәуір дарабозы» кітабы көрнекті тарихи тұлға, Алаш зиялысы Әлихан Бөкейхановтың саяси өмірі мен қызметін және оның көшбасшылық қабылетін XIX ғасырдың соңы мен XX ғасырдың бас кезіндегі жалпы тарихи оқиғалар тұрғысынан зерттеуге арналған.

Козодой Виктор Иванович – Ресей ғалымы, Новосібір облысының вице-губернаторы болған, Ресей Ғылым Академиясы Сібір бөлімшесінің Тарих институтын және Сібір басқару және бұқаралық коммуникациялар академиясын басқарған.